“Қазақстан халықтары Ассамблеясы”

Қазақстан халқы Ассамблеясының 30 жылдығына орай 12.02.2025 ж. Алматы электромеханика колледжінде Алматы қаласы “Қазақстан халықтары Ассамблеясы” өкілдерінің және Бостандық ауданы әкімінің орынбасары Аралбаев Сакен Жаббаровичтың қатысуымен “Әділ Қазақстанды, прогрессивті қоғамды құрудың және жаңа құндылықтарды қалыптастырудың негізі ретінде «Адал Азамат» тұжырымдамасы” тақырыбында кездесу өтті. Кездесудің модераторы – Қазақстан халқы Ассамблеясы Ақсақалдар Кеңесі төрағасының орынбасары, ақпараттық-түсіндіру тобының жетекшісі – Оспанов Болат Мусагажинович. Сонымен қатар, Мәхпиров Карлин Нурдунович – Бостандық аудандық ұйғыр мәдени орталығының төрағасы; Уралбаев Абдулхалил – «Алматы қаласы өзбек ұлттық-мәдени орталығы» қоғамдық бірлестігі төрағасының орынбасары; Ташыбеков Манас – «Мұрас» қырғыз этномәдени бірлестігі» қоғамдық бірлестігі төрағасының орынбасары; Шихотов Семен – «Жетісу казактары одағы» қоғамдық бірлестігінің Алматы қаласы бойынша филиалының төрағасы қатысты, Кездесу барысында сөз алған этномәдени бірлістіктердің өкілдері өз бірлестіктерінің жетістіктері туралы баяндап, жетістіктер мен атқарылатын жұмыстары туралы атап өтті. Аудан әкімінің орынбасары С.Аралбаев этносаралық қатынастардың маңызды және өзекті мәселелері жайлы атап өтті. Колледж студенттері қонақтарға сұрақтар қойып, жауабын алды. Кездесу соңында колледж директоры Б.Бозымбаев кездесуге қатысқан қонақтарға алғыс айтып, бірлескен жаңа жобаларды жүзеге асыруға колледж дайын екенін жеткізді.